Koronavirusa yoluxanların sayı artmaqda davam edir
İsraildə son sutka ərzində yeni növ koronavirus infeksiyasına yoluxanların sayı 1817 nəfər artaraq ümumilikdə 63 581-ə çatıb. Həmçinin eyni diaqnozdan 6 nəfər ölüb, ölənlərin ümumi sayı 474 olub.
AYNA xəbər verir ki, bu barədə ölkənin Səhiyyə Nazirliyi məlumat yayıb.
Məlumata görə, hazırda İsraildə 35 982 koronaviruslu xəstə var, onlardan 310 nəfəri ağır vəziyyətdədir, daha 96 nəfər isə süni tənəffüs aparatına qoşulub.
Bununla yanaşı, 27 125 nəfər müalicə olunaraq sağalıb.