Hər ailədən yalnız bir nəfər gündə bir dəfə evdən çıxa bilər
Çinin Hubei əyalətində koronavirusa yoluxma halları yenidən artdığı üçün 400 min insanın yaşadığı əraziyə giriş və çıxışı qadağan edilib, komendant saatı tətbiq olunub. AYNA xəbər verir ki, əyalətin Anşin şəhərində komendant saatı və məhdudiyyətlər yenidən qüvvəyə minib.
Məlumata görə, şəhərdə hər ailədən yalnız bir nəfər gündə bir dəfə evdən çıxa bilər.
Yerli idarəetmə orqanları tərəfindən verilən açıqlamalarda, xalqdan qaydalara əməl etmələri və xəstəliklə mübarizəyə dəstək vermələri istənilir.