Koronavirus təhlükəsinə qarşı bütün dünyada tədbirlər görülməkdədir
Türkiyə hakimiyyəti koronavirusun yayılmasına qarşı mübarizə çərçivəsində Zonquldağ vilayətində və ölkənin 30 şəhərində sakinlərin 48 saat ərzində evlərindən çıxışına qadağanın qoyulması barədə qərar qəbul edib.
AYNA-nın məlumatına görə, bu barədə ölkənin Daxili İşlər Nazirliyinin bəyanatında deyilir.
Qeyd edilir ki, 11 aprel saat 00:00-dan 13 aprel saat 00:00-a Zonquldağda və 30 şəhərdə (Adana, Ankara, Antalya, Aydın, Balıkesir, Bursa, Denizli, Diyarbəkır, Ərzurum, Eskişehir, Qaziantep, Hatay, İstanbul, İzmir, Qəhrəmanmaraş, Kayseri, Kocaeli, Konya, Malatya, Manisa, Mardin, Mersin, Muğla, Ordu, Sakarya, Samsun, Şanlıurfa, Tekirdağ, Trabzon, Van) sakinlərin küçəyə çıxmasına qadağa qoyulur.