"Sıfır Tullantı hərəkatı çərçivəsində həyata keçirilən layihələr və təşəbbüslər vasitəsilə Türkiyə iqtisadiyyatına 365 milyard lirə töhfə verilib”
“İqlim dəyişikliyi müharibələr və qlobal pandemiyalar kimi bütün bəşəriyyət üçün ciddi təhlükə yaradır”. AYNA.AZ xəbər verir ki, bu barədə Türkiyə Prezidenti İstanbulda Sıfır Tullantı Forumunun bağlanış mərasimindəki çıxışında deyib.
Dövlət başçısı iqlim böhranına ən çox töhfə verən ölkələrin də ən az təsirlənənlər arasında olduğunu qeyd edib: "Süni intellekt və yeni texnologiyaların istehsal tempini sürətləndirdiyi, düşüncəsiz istehlakın isə ətraf mühitə zərər verdiyi bir dövrdə yaşayırıq".
Türkiyə lideri bildirib ki, Türkiyənin başlatdığı Sıfır Tullantı hərəkatı BMT tərəfindən tanınan qlobal ekoloji təşəbbüsə çevrilib: "Sıfır Tullantı hərəkatı çərçivəsində həyata keçirilən layihələr və təşəbbüslər vasitəsilə Türkiyə iqtisadiyyatına 365 milyard lirə töhfə verilib. Sıfır Tullantı layihəsi 2 trilyon lirə qənaət edib”.