Tripolidə ölümlə nəticələnən partlayış olub
Liviyanın paytaxtı Tripolinin müxtəlif yerlərində bir neçə partlayıcı qurğunun işə düşməsi nəticəsində 7 nəfər ölüb, 10 nəfər yaralanıb.
AYNA-nın xarici mətbuata istinadən verdiyi xəbərə görə, bu barədə “Liviya24” kanalına Milli Barışıq Hökumətinin Səhiyyə Nazirliyi tərəfindən bildirilib.
Nazirliyin sözçüsü əl-Amin əl-Haşiminin sözlərinə görə, çərşənbə günü Tripolinin müxtəlif ərazilərində mina partlaması nəticəsində 7 nəfər ölüb, 10 nəfər yaralanıb.
Hadisənin təfərrüatları barədə hələlik məlumat verilməyib.