Aksiyalar nəticəsində, 1-i polis olmaqla 7 nəfər həlak olub
Hindistanın paytaxtı Yeni Dehli şəhərində müsəlmanlar, kənarda qaldıqları vətəndaşlıq qanununa qarşı etirazları davam etdirirlər. AYNA xarici mətbuata istinadən xəbər verir ki, etirazlar nəticəsində, 1-i polis olmaqla 7 nəfər həlak olub.
Hindistan Təhlükəsizlik Qüvvələrinin sözçüsü Anil Kumar bildirib ki, qarşıdurmalar nəticəsində, 11-i polis olmaqla 50-dən çox insan xəsarət alıb.
Qeyd edək ki, “Vətəndaşları Tənzimləmə Qanunu” Hindistan Parlamenti tərəfindən qəbul edilib və Prezident Ram Nath Kovindin imzası ilə dekabrın 13-də qüvvəyə minib. Müsəlmanların vətəndaşlıq siyahısından kənarda qalması isə əhali arasında sərt reaksiyaya səbəb olub. Nəticədə paytaxt və bölgələrdə etirazlar baş qalıdırıb.