"Əgər uğurlu olsalar, 1 milyon yuan verərək təşəkkür etmək istəyirəm"
Tanınmış aktyor Ceki Çan koronavirusa qarşı antidot tapana 1 milyon Çin yuanı (təxminən 243 min manat) verəcəyini elan edib. AYNA-nın “Qafqazinfo”ya istinadən məlumatına görə, aktyor epidemiyanın qarşısının alınması üçün hər şeyi etməyə hazır olduğunu deyib.
“Hansısa şəxsin və ya qurumun dərmanı tapması önəmli deyil. Əgər uğurlu olsalar, 1 milyon yuan verərək təşəkkür etmək istəyirəm. Daha əvvəl basabas olan küçələri boş görmək istəmirəm. Vətəndaşlarımızın həyatdan zövq almalı olduğu bir vaxtda ölümlə mübarizə apardıqlarını görmək istəmirəm”, - aktyor qeyd edib.