Yeni hökumətdə 31 nazir təyin olunub
Fransanın yeni Baş Naziri Jan Kasteksin ilk hökumətinin tərkibi elan olunub. AYNA xarici mediaya istinadən xəbər verir ki, yeni hökumətdə 31 nazir təyin olunub.
Yeni hökumət 14 kişi və 17 qadın nazirdən ibarətdir. Sabah Nazirlər Şurasının ilk iclası keçiriləcək.
Əvvəlki hökumətin kənd təsərrüfatı, ədliyyə, daxili işlər və mədəniyyət nazirləri vəzifələrindən azad edilib. Dövlət büdcəsi naziri Jerar Darmənən daxili işlər naziri təyin olunub. Dövlət katibi Qabriel Attal hökumətin sözçüsü təyin olunub.