Daşqın nəticəsində yüzlərlə insanın evsiz qaldığı bildirilir
Fil Dişi Sahilində sel nəticəsində 5 nəfər həyatını itirib, 1 nəfər isə itkin düşüb. AYNA xarici mətbuata istinadən xəbər verir ki, hadisə Kot-d İvarın paytaxtı Abidjanda baş verib.
Səlahiyyətlilər tərəfindən verilən açıqlamada, güclü yağışın səbəb olduğu sel nəticəsində 5 nəfərin öldüyü və 1 nəfərin isə itkin düşdüyü bildirilib.
Daşqın nəticəsində yüzlərlə insanın evsiz qaldığı, infrastruktura böyük ziyan dəydiyi vurğulanıb. Digər tərəfdən, evlərində ilişib qalan vətəndaşları xilas etmək üçün səylərin davam etdiyi qeyd olunub.