Test sistemi xidmətin "Vektor" dövlət elmi mərkəzi tərəfindən qısa müddətə hazırlanıb
Rusiyanın İstehlakçıların Hüquqlarının Müdafiəsi və İnsan Rifahı sahəsində Nəzarət üzrə Federal Xidmətinin “Vektor” Dövlət Elmi Mərkəzi yeni koronavirusun təyin olunması üzrə test sistemini qeydiyyata alıb.
AYNA “Report”a istinadən xəbər verir ki, bu barədə dövlət orqanının mətbuat xidməti bildirib.
"Federal Xidmətin "Vektor" Dövlət Elmi Mərkəzi yeni koronavirusun təyinatı üçün test sistemini qeydiyyata aldı. Test sistemi xidmətin "Vektor" dövlət elmi mərkəzi tərəfindən qısa müddətə hazırlanıb, bütün lazımi texniki və kliniki sınaqları keçdi", - xəbərdə deyilir.