Hazırda Misirdə koronavirusa yoluxmuş 327 nəfər qeydə alınıb
Misir ordusunun komandiri, general Xaled Şaltout Covid-19-dan ölüb. AYNA xarici mediaya əsasən xəbər verir ki, koronavirusa yoluxan yüksək rütbəli hərbçi qısa müddətdən sonra həyatı ilə vidalaşıb.
Misir Ordusu tərəfindən yayılan xəbərdə bildirilir ki, ölkədə virusla bağlı tədbirlərə milli ordunun üzvləri qoşulub, elə general da bu sırada virusa yoluxub.
Qeyd edək ki, hazırda Misirdə koronavirusa yoluxmuş 327 nəfər qeydə alınıb, 33 xəstə isə ölüb.