"Lipton fevralın sonunda fondu tərk edəcək"
Beynəlxalq Valyuta Fondunun Sərəncamçı direktorunun birinci müavini Devid Lipton fevralın sonunda istefaya gedəcək.
AYNA “Qafqazinfo”ya istinadən bildirir ki, bu barədə fondun yaydığı açıqlamada bildirilir.
“BVF-in Sərəncamçı direktoru Kristalina Georgiyeva bildirib ki, onun rəhbərlik tərkibində apardığı dəyişikliklər kontekstində Lipton fevralın sonunda fondu tərk edəcək”, - sənəddə deyilir.
Qeyd edək ki, təşkilatın tarixində bu postda ən çox qalan məhz Lipton olub. O, vəzifəyə 2011-ci ilin sentyabrında təyin olunub.