AK sədri müdafiə təşəbbüslərinin hazırlandığını elan edib
Avropa Komissiyasının (AK) sədri Ursula fon der Leyen Kiyevə gəlib və Avropa İttifaqı (Aİ) və Ukraynanın müdafiə sənayesinin inteqrasiyası üçün yeni təşəbbüslərin hazırlandığını elan edib. AYNA.AZ xəbər verir ki, o bu barədə “X” sosial media platformasında bildirib.
"Müharibə dövründə Ukraynaya 11-ci səfərim oldu və Kiyevə gəldim... Daha çox və daha sürətli istehsal edə bilməyimiz üçün müdafiə sənayemizi inteqrasiya etmək üçün yeni təşəbbüslər elan edəcəyəm".
O həmçinin ölkənin Aİ-yə daxil olması və qışa hazırlıq məsələlərini müzakirə etmək planlarını açıqlayıb.
Bundan əvvəl fon der Leyen Rusiyanın Ukraynanın dron istehsal edən müəssisələrinə hərbi hücumlarından sonra Ukraynaya dron istehsalı üçün yeni maliyyələşdirmə vəd etmişdi.