Bu günədək Fransada 577 nəfər koronavirusa yoluxub
Paris və İl-de-Frans bölgəsindəki xəstəxanalardan koronavirus epidemiyasının başladığı vaxtdan indiyədək 11 mindən çox tibbi maska və 1,4 min flakona yaxın dezinfeksiya maddəsi oğurlanıb.
AYNA “Qafqazinfo”ya istinadən bildirir ki, bu barədə Regional Səhiyyə Mərkəzindən məlumat verilib.
Qeyd edilir ki, söhbət birdəfəlik və FFP2 tipli maskalardan gedir. 11 mindən 2 minə yaxını ötən istirahət günlərində Parisin 18-ci dairəsində yerləşən Bişa xəstəxanasından oğurlanıb.
Martın əvvəlində isə oğrular Marsel xəstəxanasından 2 min tibbi maska oğurlamışdı.
Qeyd edək ki, bu günədək Fransada 577 nəfər koronavirusa yoluxub, 9 nəfər dünyasını dəyişib.