Fransada koronavirusa yoluxanların sayı artmaqda davam edir
Fransada son 24 saatda koronavirusdan 1427 nəfər dünyasını dəyişib.
AYNA xarici mediaya istinadən xəbər verir ki, bununla da ölkədə Covid-19-dan ölənlərin sayı 10 min 328-ə yüksəlib. Son 24 saatda 3777 nəfərdə virus aşkarlanıb. Ümumi yoluxanların sayı 109 min 69-a yüksəlib.
Qeyd edək ki, Fransa dünya üzrə koronavirusdan ən çox ölüm halı müşahidə olunan dördüncü ölkədir.