Həkimlər onun digər xəstələr üçün “ümid qığılcımı” olduğunu söyləyirlər
Niderlandda koronavirusdan müalicə alan 101 yaşlı xəstə sağalıb. AYNA xarici mətbuata istinadən xəbər verir ki, həkimlər qadının digər xəstələr üçün “ümid qığılcımı” olduğunu söyləyiblər.
Adı açıqlanmayan qadının bir həftə əvvəl Rotterdam şəhərində yerləşən “Jsselland” xəstəxanasına nəfəs darlığı şikayəti ilə müraciət etdiyi bildirilir.
Qadının şikayətlərindən sonra virus testi aparılıb və nəticələr müsbət olub. Karantin altına alınan xəstənin müalicəsi uğurla başa çatıb və xəstəxanadan çıxdıqdan sonra qocalar evinə yerləşdirilib.