Meşəni qır və bunun müqabilində yalnız 6 min manat cərimə ödə - YALNIZ AZƏRBAYCANDA
Rəşad Rüstəmov
9 iyul 2021-ci il tarixində Dövlət Ətraf Mühit Təhlükəsizliyi Xidmətinin rəisi Hikmət Əlizadə Ekologiya Nazirliyinin Lənkəran bölgəsinin Həftoni kəndindəki Beta şirkəti tərəfindən icarəyə götürülmüş meşə sahəsindəki meşələrin qırılması ilə bağlı sosial şəbəkələrdə yayılan məlumatların yoxlanıldığını elan etdi.
Hikmət Əlizadənin sözlərinə görə, Beta ilə Lənkəran regional meşə təsərrüfatı mərkəzi arasındakı müqavilə şərtləri yerinə yetirilərkən, meşə fondu sahəsinə bağ salınması üçün qanun pozuntularına yol verildi, həmçinin ağac və kol bitkiləri kəsildi.
“Hazırda kəsilən ağacların yerinə yeni ağaclar əkilir, təbiətə vurduğu ziyanın ödənilməsi və Beta tərəfindən cərimə ödənilməsi üçün tədbirlər görülür.
Vəzifə borclarını lazımınca yerinə yetirməyən meşə xidməti işçilərinə də intizam tənbehi tədbirləri görülür”,- dedi Hikmət Əlizadə.
Xatırlatmaq istərdik ki, əvvəllər Ekologiya və Təbii Sərvətlər Nazirliyi, Həftoni kəndi ərazisindəki icarəyə verilən meşə sahəsindəki meşələrin Beta tərəfindən qırılması barədə məlumatları hər cür şəkildə təkzib etmişdi. Beləliklə, 8 iyul 2021-ci ildə Ekologiya Nazirliyinin nümayəndəsi Namik Xıdırov «bu ərazidəki sahələrin kiçik kol və qurudulmuş ağaclardan təmizləndiyini” söylədi. Bu ərazi quraq torpaqlardan ibarətdir. Bu ərazidə heç vaxt ağac kəsmə olmayıb və olmayacaq da. Ərazi nəzarət altındadır”,- dedi Namik Xıdırov (https://haqqin.az/news/214560).
Xatırladaq ki, Həftoni kəndi ərazisindəki meşələrin qırılması barədə məlumat Ekofond ictimai təşkilatının rəhbəri, eko-fəal Cavid Qara tərəfindən yayılmışdır.
Cavid Qarudan Hikmət Əlizadənin açıqlamasına münasibət bildirməsini istədik.
“Ekologiya və Təbii Sərvətlər Nazirliyi Beta-ya yalnız 6000 manat cərimə kəsdi. Bundan əvvəl Ekologiya Nazirliyi Həftoni kəndi ərazisindəki meşələrin qırılması faktını hər şəkildə inkar etdi”,- dedi Cavid Qara.
Eko-aktivistin sözlərinə görə, Ekologiya Nazirliyi Beta-nı cəmi 6000 manat cərimə edib. “Ancaq Həftoni kəndi ərazisindəki meşədə minə yaxın ağac kəsildi. Bütün bu zərərə görə yalnız 6 min manat cərimə? Hesab edirəm ki, Ekologiya Nazirliyi ağacları məhv edən şirkətə qarşı cinayət işi başlanılması üçün mütləq Baş Prokurorluğa müraciət etməlidir”,- dedi Cavid Qara.
Vəkil Elmar Süleymanovun “Ayna”ya verdiyi məlumata görə, Azərbaycan Cinayət Məcəlləsinin 259-cu maddəsinə əsasən, meşələrdə və ya qoruqlarda, milli və ya təbii parklarda ağacların və ya kolların, eləcə də meşə fonduna aid olmayan ağacların və ya kolların qanunsuz kəsilməsi xeyli miqdarda ziyan vurduqda ‐ 5000 manatdan 7000 manatadək miqdarda cərimə və ya iki ilədək islah işləri və ya iki ilədək azadlığın məhdudlaşdırılması və ya iki ilədək həbs cəzası ilə və ya üç ilə qədər müəyyən bir vəzifə tutma və ya müəyyən fəaliyyətlə məşğul olma hüququndan məhrum edilməklə cəzalandırılır.
“Düşünürəm ki, bu qədər sayda ağacın kəsilməsi faktı ilə bağlı cinayət işi başlanmalı idi” deyə vəkil “Ayna”ya bildirib.
Azərbaycan Respublikası Cinayət Məcəlləsinin 259-cu maddəsi
(https://www.uaipit.com/uploads/legislacion/files/1355918745_12._Criminal_Code_of_the_Republic_of_Azerbaijan_AZ.pdf) cinayət işi açılmasını nəzərdə tutursa, onda Həftoni kəndi ərazisindəki meşələrin qırılması faktı ilə bağlı cinayət işinin başlayıb-başlamadığını öyrənmək qərarına gəldik.
Baş Prokurorluğun mətbuat xidmətinin prokuroru Kənan Zeynalov onda Həftoni kəndi ərazisindəki ağacların kəsilməsi faktı ilə bağlı cinayət işi başlanılması barədə məlumat olmadığını qeyd etdi.
Ekologiya və Təbii Sərvətlər Nazirliyinin mətbuat xidmətində isə bu günə qədər Həftoni ərazisindəki ağacların kəsilməsi ilə bağlı araşdırma apardıqlarını dedilər.
Biz də Betanın rəyini öyrənmək istəsək də, təəssüf ki, cəhdimiz uğursuz oldu. Beta işçiləri bizə şirkətdə suallarımızı cavablandıracaq məsul şəxsin olmadığını söylədilər. Üstəlik, məsul şəxslər nə Bakıda, nə də Lənkəranda taplmadı...
Belə çıxır ki, Azərbaycanda bir şirkət ölkənin “ağ ciyərlərini” götürüb məhv edə bilər və ekoloqlar hay-küy qaldırarsa, yalnız bir neçə min manat cərimə ödəməklə məsuliyyətdən yayına bilər. Bu vəziyyətdə, yalnız vaxt uzadan və bununla da qalmaqalın səngiyəcəyinə ümid edən dövlət qurumlarına suallar yaranmır, həm də ətraf mühit və vətəndaş fəallarına suallar yaranır. Həqiqətən də, inkişaf etmiş ölkələrdə belə hallarda ekoloqlar yalnız sosial şəbəkələr və mediada hay-küy qaldırmaqla məhdudlaşmırlar. Onlar əhalini təbiətə etinasız yanaşan hazırkı şirkətin məhsullarından imtina etməyə çağıraraq, etiraz aksiyaları keçirirlər. Məhz bu cür hərəkətlərlə ekoloqlar dövlət strukturlarını pozucunu cəzalandırmağa məcbur edirlər. Şirkət məhv edilən ağaclarla bağlı təkcə cərimə dəməli yox, həm də müşənin bərpası üçün vəsait ayırmalıdır. Bizim vəziyyətimizdə, məhsulları ölkədə məşhur olan Beta şirkəti, üzr istəyə və məhv edilmiş meşələrin bərpası müddətini maliyyələşdirmək üçün könüllü olmağa hazır olduqlarını elan edə bilər. Ciddi bir şirkət cəmiyyət qarşısında simasını belə qurtara bilər. Bu, idealda Avropada olur. Bizdə isə...
P.S. Dünən yayılan məlumata görə, ETSN ilə "Beta" arasındakı müqavilə ləğv edilir.