ABŞ lideri xüsusi təyinatlı qüvvələrin İrana yerləşdirilməsini istisna etmir
ABŞ Prezidenti Donald Tramp Vaşinqton və Tehran arasında danışıqlar "mahiyyət etibarilə" uğursuz olarsa, ABŞ xüsusi təyinatlı qüvvələrinin İrana yerləşdirilməsi ehtimalını irəli sürüb. AYNA.AZ xəbər verir ki, bu barədə Tramp “Financial Times” qəzetinə deyib.
"İki seçim var. Ya əvvəllər hərbi cəhətdən öhdəsindən gələ bilmədiyimiz şeylə məşğul olacağıq, ya da sadəcə İranın blokadasını davam etdirəcəyik. Çünki məlum olduğu kimi, bu, istənilən hərbi hücumdan daha güclüdür", - Amerika lideri vurğulayıb
Tramp həmçinin vurğulayıb ki, İsrail və İran arasında gərginliyin hazırda artması Vaşinqton və Tehran arasında diplomatik əlaqələrə mane olmamalıdır.