"İnkişafımızı məhdudlaşdırmaq üçün bütün cəhdlərə inamla müqavimət göstəririk”
“Qərb Rusiyanı sınayır və ondan qurtulmaq istəyir. Amma buna nail ola bilməyəcək”. AYNA.AZ rus mediasına istinadən bildirir ki, bu sözləri Rusiya Prezidenti Vladimir Putin deyib.
"İnkişafımızı məhdudlaşdırmaq üçün bütün cəhdlərə inamla müqavimət göstəririk. Bizim kifayət qədər gücümüz, resurslarımız və siyasi iradəmiz var. Heç kim buna şübhə etməməlidir", - deyə o “Vahid Rusiya” Partiyasının qurultayında bildirib.
Beşinci ilinə qədəm qoyan Ukrayna ilə müharibə fonunda Putin Rusiyanın "çətin bir dövrdən" keçdiyini etiraf edib. Lakin bildirib ki, bu, "bizə çox şey öyrətdi" və Rusiya vətəndaşı olmağın nə demək olduğunu anlamağa imkan verdi.
Prezident hakimiyyətin infrastruktura hücumlar da daxil olmaqla problemlərdən xəbərdar olduğuna və onlara cavab verdiyinə əminlik ifadə edib.
O ölkənin, vətəndaşlarının təhlükəsizliyini və "uzunmüddətli tarixi perspektiv üçün Rusiyanın sərhədlərinin toxunulmazlığını" təmin edəcəyinə söz verib.
Putin həmçinin bildirib ki, "Rusiya yalnız güclü, müstəqil bir güc ola bilər, əks halda Rusiya ümumiyyətlə olmayacaq".
Onun sözlərinə görə, ölkə zəiflik göstərən kimi "dərhal nəzərə alınmır".
Bu fonda Prezident xalqı birləşməyə çağırıb və qeyd edib ki, Rusiyanın düşmənlərinin "sarsıtmağa, zəiflətməyə və şübhə altına almağa" çalışdıqları məhz bu "daxili birlik" həmişə onun güc mənbəyi olub.