Putin Ukraynanın əks-hücuma başladığını elan edib

Dünya

09.06.2023 - 23:40

Gərgin döyüşlərin təxminən beş gündür davam etdiyi bildirilib

Rusiya Prezidenti Vladimir Putin Ukraynanın əks-hücuma başladığını elan edib.

Bu barədə AYNA Rusiya mətbuatına istinadən xəbər verir.

"Əminliklə demək olar ki, onların əks-hücumu başlayıb və bunu strateji ehtiyatlardan istifadə sübut edir. Bu, tamamilə aşkar şeydir", - Rusiya lideri bildirib.

O qeyd edib ki, gərgin döyüşlər təxminən beş gündür davam edir.

Rusiya Prezidenti Ukrayna Silahlı Qüvvələrinin davamlı hücum potensialını da vurğulayıb.

“Rusiya hərbi rəhbərliyi mövcud vəziyyəti real qiymətləndirir və yaxın gələcəkdə öz hərəkətlərimizi bu reallıqlardan çıxış edərək quracağıq”, - V.Putin əlavə edib.

Müəllif: Ayna.az