İsrail Müdafiə Qüvvələri məlumat yayıb
İsrail Müdafiə Qüvvələri HƏMAS-ın elit Noxba bölməsinin qərargahına hava zərbəsi endirib. AYNA xəbər verir ki, bu barədə İsrail Müdafiə Qüvvələri məlumat yayıb.
Qeyd olunub ki, Noxba briqadasının üzvləri oktyabrın 7-də baş verən hücum zamanı fələstinli yaraqlılardan ibarət qruplara rəhbərlik ediblər: “Noxbanın elit qüvvələri HƏMAS-ın yüksək rütbəli əməliyyatçıları tərəfindən seçilən və basqın, hücum, gizli tunellər vasitəsilə sızma kimi terror aktları həyata keçirmək üçün təyin edilmiş terrorçulardan ibarətdir”.
Qeyd edək ki, oktyabrın 7-də səhər saatlarında İsrail ordusu HƏMAS qruplaşmasından olan fələstinli radikalların İsrail ərazisinə raket zərbələri endirdiyini açıqlayıb. Raket hücumlarına cavab olaraq İsrail Müdafiə Qüvvələri Qəzzada hərbi əməliyyata başladığını elan edib.