Son 24 saatda 77 nəfər COVID-19-un qurbanı olub
İngiltərədə yeni növ koronavirusdan (COVID-19) həyatını itirənlərin sayı 77 nəfər artaraq 40 min 542-ə çatıb. Bu barədə AYNA xarici meddiaya istinadən xəbər verir.
Səhiyyə Nazirliyinin açıqlamasına görə, ölkədə son 24 saatda COVID-19-a 1326 nəfər yoluxub ki, bununla da ümumi yoluxma sayı 286 min 194-ə yüksəlib.
İngiltərədə pandemiya başlayandan ilk dəfədir ki, gündəlik vəfat sayı 100-dən aşağıdır. Bununla belə, qeyd olunur ki, həftəsonlarında rəqəmlərin elanında gecikmələr yaşandığı üçün yoluxmanın açıqlanan rəsmi saydan çox olma ehtimalı var.
Qeyd edək ki, İngiltərə COVID-19 səbəbindən vəfat sayına görə Avropada birinci, dünyada isə ABŞ-dan sonra ikinci yerdə qərarlaşıb.