Hakimiyyət qadın etirazlarını yatırmaq üçün hərbi texnika yerləşdirir
Əfqanıstan hakimiyyəti qadınlara qoyulan məhdudiyyətlərə qarşı etirazlardan sonra Herata hərbi texnika yerləşdirib. AYNA.AZ xəbər verir ki, bu barədə AFP məlumat yayıb.
Əfqanıstan hakimiyyəti qadınlara yeni məhdudiyyətlərə qarşı etirazların bir neçə gündür davam etdiyi Herat şəhərinə əlavə təhlükəsizlik qüvvələri və hərbi texnika yerləşdirib. Yerli sakinlər agentliyə bildiriblər ki, təhlükəsizlik qüvvələri cümə axşamı günü şəhərə yerləşdirilməyə başlayıb və vətəndaşların telefonlarını yoxlayıblar.
AFP jurnalisti 12 iyun cümə günü Herat boyunca ərazilərdə patrul xidməti göstərən hərbi maşınları, eləcə də silahlı polisi və kəşfiyyat zabitlərinin nəzarətində olan əlavə nəzarət məntəqələrini müşahidə edib.
Yerli sakinlərdən birinin sözlərinə görə, insanlar nümayişlər keçirmək planlarından imtina ediblər.