Bütün təfərrüatlar hələ dəqiqləşdirilməyib
Danimarka dördüncü nəsil F-16 qırıcılarını bir ay ərzində Ukraynaya təhvil vermək niyyətindədir. AYNA xəbər verir ki, bu barədə Krallığın Baş naziri Mette Frederiksen bildirib.
Bütün təfərrüatlar hələ dəqiqləşdirilməyib. Bu, Kopenhagenin Kiyevə verməyi planlaşdırdığı təyyarələrin sayına da aiddir.
Mayın 12-də Britaniyanın “Standard” qəzeti yüksək rütbəli hərbi mənbəyə istinadən yazıb ki, ilk F-16 qırıcıları bir neçə həftədən sonra Ukraynada peyda olacaq. Nəşrin yazdığına görə, bu, iyun-iyul aylarında baş verməlidir.