Bakı Nəqliyyat Agentliyi məlumat yayıb
Bakı Nəqliyyat Agentliyi (BNA) 2 nömrəli müntəzəm marşrut xətti üzrə avtobusların hərəkət sxemində dəyişiklik edib.
AYNA xəbər verir ki, bu barədə BNA-dan bildirilib.
Dəyişikliyə əsasən, bu xətt üzrə avtobuslar metronun “Dərnəgül” stansiyasınadək hərəkət edəcək.
Dəyişiklik sayəsində 7-ci mikrorayon və metronun “Dərnəgül” stansiyası ətrafında məskunlaşan vətəndaşların metronun “N.Nərimanov”, “Nizami”, “20 Yanvar” stansiyaları və “Beynəlxalq Avtovağzal Kompleksi" istiqamətində birbaşa gedişi təmin olunacaq.
Sözügedən dəyişiklik 26 noyabrdan tətbiq olunacaq.