Kosta Ukraynadakı müharibəyə son qoymağın mümkün yolları barədə müzakirə aparmaq istəyir
Avropa Şurasının prezidenti António Kosta Rusiya prezidenti Vladimir Putinlə dialoqa başlamaq cəhdinin bir hissəsi olaraq Kremllə əlaqə qurub. AYNA.AZ xarici mediaya istinadən bildirir ki, bu barədə "Bloomberg" agentliyi məsələ ilə tanış mənbələrə istinadən məlumat yayıb.
Kosta Ukraynadakı müharibəyə son qoymağın mümkün yolları barədə müzakirə aparmaq istəyir.
Məsələ ilə tanış mənbələrə görə, Kostanın baş müşaviri Putinə yaxın yüksək vəzifəli Rusiya rəsmisi ilə iki telefon danışığı aparıb.
Bu əlaqələrin məqsədi gələcəkdə daha məzmunlu danışıqlar üçün yol açmaqdır.
Həmsöhbətlər qeyd edirlər ki, bunlar mümkün siyasi dialoq üçün şərait yaratmaq məqsədi daşıyan ilkin məsləhətləşmələrdir, lakin tərəflər hələlik bu əlaqələri rəsmi olaraq təsdiqləməyiblər.