Metyu Miller: “ABŞ təyyarə qəzası ilə bağlı Azərbaycan və Qazaxıstana kömək etməyə hazırdır”
ABŞ Qazaxıstanın Aktau şəhərində “Azərbaycan Hava Yolları” QSC-yə (AZAL) məxsus təyyarənin qəzaya uğraması ilə bağlı başsağlığı verib. AYNA xəbər verir ki, bu barədə ABŞ Dövlət Departamentinin sözçüsü Metyu Miller “X” sosial şəbəkə hesabında paylaşım edib.
““Azərbaycan Hava Yolları” QSC-yə məxsus təyyarənin Qazaxıstanda qəzaya uğraması xəbərini dərin hüznlə eşitdik. Düşüncələrimiz və dualarımız həlak olanların ailələri ilə birlikdədir, yaralananlara isə tezliklə şəfa diləyirik. Biz Qazaxıstan və Azərbaycanın hakimiyyət orqanlarına kömək etməyə hazırıq”, - Miller yazıb.