ÜST-ün növbəti uğursuzluğuna imkan verilməyəcək
ABŞ Dövlət katibi Mayk Pompeo koronavirusun yayılmasının qarşısını ala bilmədiyi üçün Ağ evin Ümumdünya Səhiyyə Təşkilatına (ÜST) alternativ yaradacağını istisna etməyib. AYNA xarici KİV-ə istinadən bildirir.
Dövlət katibinin sözlərinə görə, hazırda Tramp Administrasiyası hansı addımların daha yaxşı olacağını araşdırır: “ABŞ Prezidenti qarşıya aydın və dəqiq tapşırıq qoyub. Bu da ÜST-ün növbəti uğursuzluğuna imkan verməməkdən ibarətdir. Əgər öz üzərinə düşəni yerinə yetirməyəcəksə, ÜST-ə yüz milyonlarla ABŞ dollarının daxil olması yolverilməzdir”.