Restoranların hamısının sentyabradək açılacağı gözlənilir
Sentyabr ayına qədər Rusiyadakı bütün keçmiş "McDonald's" restoranları “Vkusno-i Toçka” adı ilə açıla bilər. AYNA xəbər verir ki, bu barədə “Vkusno-i Toçka” "fast food" restoranlar şəbəkəsinin baş direktoru Oleq Paroyev bildirib.
Paroyev etiraf edib ki, hazırda məhsulların qablaşdırma və çatdırılmada çətinlikləri var: "Lakin onlar uğurla həll olunur. Mən istərdim ki, bütün restoranlarımız tez bir zamanda açılsın. Çox güman ki, sentyabrda bütün restoranlarımızın qapıları müştərilərin üzünə açılacaq”.
"Hazırda 850 restorandan 142-si açıqdır. Sentyabradək hamısının açılacağı gözlənilir", - Paroyev qeyd edib
Qeyd edək ki, may ayında - restoranlar bağlandıqdan iki ay sonra "McDonald's" şəbəkəsi Rusiya bazarından çıxdığını açıqladı. Daha sonra iş adamı Aleksandr Qovorun restoranlar şəbəkəsini aldığı açıqlandı və iyunun 12-də məlum oldu ki, "McDonald's"ın varisi “Vkusno-i Toçka” restoranlar şəbəkəsidir.