Bu günə qədər 2337 koronavirus infeksiyası qeydə alınıb
Rusiyada koronavirusa yoluxanlar arasında sürətli şəkildə artım qeydə alınıb.
AYNA xarici mətbuata istinadən xəbər verir ki, şimal qonşumuzda son 24 saat ərzində 500 nəfərə virus diaqnozu qoyulub.
Ölkədə bu günə qədər 2337 koronavirus infeksiyası qeydə alınıb. Virusa yoluxanlardan 18 nəfəri dünyasını dəyişib, 121 nəfər isə müalicə alaraq xəstəxanalardan evə buraxılıb.
Qeyd edək ki, dünyada koronavirusa yoluxanların sayı 800 023 nəfərə çatıb. Pandemiya qurbanlarının sayı 38 748, sağalanların sayı isə 169 993 nəfərdir.
Hazırda virus 200 ölkə və bölgədə qeydə alınıb.