Mariya Zaxarova: “Bu, qaydalar üzrə oynayaraq rəqabət apara bilməməyin bir təzahürüdür"
“ABŞ-ın S-400 zenit-raket kompleksinə görə Türkiyəyə qarşı sanksiyalar tətbiq etməsi Vaşinqtonun hərbi-sənaye kompleksində rəqabət üstünlüyü təmin etmək cəhdidir”.
AYNA TASS-a istinadən xəbər verir ki, bu barədə brifinqdə Rusiya XİN-in rəsmi nümayəndəsi Mariya Zaxarova deyib.
“Bu, qaydalar üzrə oynayaraq rəqabət apara bilməməyin bir təzahürüdür. ABŞ-a, hər nə qədər qanundankənar olsa belə, özü üçün bəzi rəqabət üstünlüklərini təmin etməkdən ötrü əlavə addımlara ehtiyac duyur. Bunlara hərbi sənaye kompleksi xətti üzrə birtərəfli sanksiyalar da daxildir", - deyə Zaxarova bildirib.
Onun sözlərinə görə, ABŞ oxşar sxemdən KİV, energetika və digər sahələrdə də istifadə edir:
“Hər yerdə konsepsiya eynidir: bu cür qanunsuz hərəkətlərlə özünə, öz istehsalçılarına, öz iş adamlarına kömək etmək”.