Təhlükəsizlik Şurası Qəzza zolağındakı vəziyyətlə bağlı ABŞ-ın təklif etdiyi qətnaməni müzakirə edib
BMT Təhlükəsizlik Şurası cümə günü Qəzza zolağındakı vəziyyətlə bağlı ABŞ-ın təklif etdiyi qətnaməni müzakirə edib. AYNA xarici mediaya istinadən bildirir ki, qətnamə humanitar təşkilatların Qəzzadakı mülki şəxslərə yardım göstərməsinə icazə vermək üçün münaqişənin hər iki tərəfində təxminən altı həftə ərzində hərbi əməliyyatların dərhal dayandırılmasını təklif edirdi.
Lakin Rusiya və Çin veto hüququndan istifadə edərək qətnamənin qəbuluna mane olublar.
Sənəddə həmçinin ABŞ və Avropa İttifaqı tərəfindən terrorçu qrup kimi tanınan HƏMAS qruplaşmasından dərhal israilli girovlara çıxışın təmin edilməsi və onların azad edilməsi üçün diplomatik səylərlə əməkdaşlıq etməsi tələb olunub.
Rusiyanın Təhlükəsizlik Şurasındakı daimi nümayəndəsi Vasili Nebenzya bildirib ki, ABŞ-ın qətnamə layihəsi “təcili və davamlı atəşkəsə təcili ehtiyacı müəyyən edir, lakin müvafiq tələb və ya çağırış yoxdur”.