Şəhərdə insanlar maska taxmaya bilərlər
Koronavirus infeksiyasının ilk yayıldığı ölkə olan Çinin paytaxtında tibbi maskasız gəzməyə icazə verilib. AYNA xarici mediaya istinadən bildirir ki, paytaxt Pekində COVID-19-a yoluxma azaldığı üçün sakinlər qoruyucu maskalardan istifadə etməyə bilərlər.
Qərarı Pekinin yerli hakimiyyət orqanları qəbul edib. Buna səbəb paytaxtda son 13 gün ərzində koronavirusa yoluxma halının qeydə alınmaması olub. Lakin sakinlərin böyük hissəsi yenə də maska taxmaqda davam edir. Onlar maskalarının olmaması səbəbindən qınaq obyektinə çevrilməkdən qorxurlar.