Müqavilələr hava hücumundan müdafiə sistemlərinin, dronların, silahların və hərbi texnikanın alınmasını əhatə edir
NATO-nun Ankarada keçirilən Zirvə Toplantısı zamanı keçirilən Müdafiə Sənayesi Forumunda ən azı 50 milyard dollar dəyərində müqavilələr imzalanıb. AYNA.AZ-ın "Türkiye" qəzetinə istinadən məlumatına görə, müqavilələr hava hücumundan müdafiə sistemlərinin, dronların, silahların və hərbi texnikanın alınmasını əhatə edir.
Müqavilələrin bəziləri Alyans ölkələri arasında birgə müdafiə layihələrinə aiddir. NATO-nun baş katibi Mark Rutte artıq 20 ölkənin "Drone Edge" təşəbbüsündə iştirak edəcəyini təsdiqləyib. Bu təşəbbüs çərçivəsində ittifaq ölkələri beş il ərzində dronların və əks-dronların istehsalına 40 milyard dollar sərmayə qoymağı planlaşdırırlar.