Növbəti imtahanlar barədə məlumatlar şəxsi səhifələrə göndərilib
Avqustun 18-dən 20-dək keçirilməsi nəzərdə tutulan müəllimlərin işə qəbulu üzrə müsabiqənin test imtahanı mərhələsində iştirak edəcək namizədlərin şəxsi səhifələrinə müvafiq məlumat göndərilib.
Təhsil Nazirliyindən AYNA-ya verilən xəbərə görə, həmin tarixlərdə Azərbaycan dili və ədəbiyyat, rus dili və ədəbiyyat, musiqi və təsviri incəsənət fənləri üzrə test imtahanı keçiriləcək. Digər fənlər üzrə imtahan məlumatları növbəti günlərdə hissə-hissə mütəmadi olaraq şəxsi səhifələrə göndəriləcək.