Avropa Şurasının prezidenti Gürcüstan Prezidenti ilə görüşündən sonra bəyanat yayıb
Gürcüstana Avropa perspektivi vermək qaçırılmamalı olan tarixi fürsətdir. AYNA xəbər verir ki, bu barədə Avropa Şurasının prezidenti Şarl Mişelin Gürcüstan Prezidenti Salome Zurabişvili ilə görüşündən sonra Avropa Şurasının yaydığı bəyanatda deyilir.
“Prezident Mişel 2023-cü il sentyabrın 1-də Brüsseldə Gürcüstan Prezidenti Salome Zurabişvili ilə görüşüb. Liderlər Aİ-Gürcüstan münasibətlərini, eləcə də regiondakı daha geniş hadisələri və Rusiyanın Ukraynaya qarşı müharibəsinin Gürcüstan və Cənubi Qafqaz üçün nəticələrini müzakirə ediblər. Prezident Mişel Avropa Şurasının Gürcüstana Avropa perspektivi vermək qərarını qaçırılmaması lazım olan tarixi bir fürsət kimi vurğuladı. Cənab Mişel Aİ-nin Avropa yolunda Gürcüstanı dəstəkləmək öhdəliyini bir daha vurğuladı. Həmçinin ölkədə islahatların, xüsusilə hüquq, deoliqarxizasiya, korrupsiyaya qarşı mübarizə və media plüralizmi sahələrində islahatların daha da dərinləşdirilməsinin zəruriliyini qeyd edib ki, bu da hazırda çox vacibdir. Depolarizasiya və inklüziv siyasi mədəniyyətin qurulması da prioritetdir”, - deyə açıqlamada qeyd olunub.
Bildirilib ki, prezident Mişel Gürcüstan Prezidentinin Gürcüstanın Avropa perspektivinin tərəqqisinə şəxsi sadiqliyini yüksək qiymətləndirib.
Onun Aİ-Gürcüstan gündəliyinə güclü siyasi diqqəti və qanunvericilik müzakirələrində, şəxsin əfv hüququndan istifadə edilməsində rolu, depolarizasiyaya töhfə verməsi xüsusilə təqdir edilib: “Prezident Mişel Aİ-nin Gürcüstanın beynəlxalq səviyyədə tanınmış sərhədləri daxilində ərazi bütövlüyü və suverenliyinə sarsılmaz dəstəyini təsdiqləyib. O vurğulayıb ki, Aİ Gürcüstanın dayanıqlılığını artırmaq öhdəliyinə sadiqdir”.