Oğurluqda şübhəli bilinən iki nəfər saxlanılıb
Bakıda oğurluqla məşğul olan iki nəfər tutulub. Bu barədə AYNA-ya Daxili İşlər Nazirliyinin (DİN) Mətbuat Xidmətindən məlumat verilib.
Bildirilib ki, iyulun 7-də Hövsan qəsəbəsi ərazisindəki mağazaların birindən 300 manat məbləğində pul və 1700 manat dəyərində ərzaq məhsullarını oğurlamaqda şübhəli bilinən qəsəbə sakinləri olan yeniyetmə və S.Nağıyev Suraxanı Rayon Polis İdarəsinin 30-cu polis şöbəsi əməkdaşlarının keçirdikləri əməliyyat tədbirləri nəticəsində saxlanılıblar. Faktla bağlı təhqiqat aparılır.