Abışovdan “Stalker M-906” markalı tapança, bir patron darağı və iki patron götürülüb
Abşeron Rayon Polis İdarəsi əməkdaşlarının daxil olmuş məlumat əsasında keçirdikləri əməliyyat-axtarış tədbirləri nəticəsində Masazır qəsəbəsi ərazisində Sumqayıt şəhər sakini, əvvəllər dəfələrlə məhkum olunmuş V.Abışovdan “Stalker M-906” markalı tapança, bir patron darağı və iki patron aşkarlanaraq götürülüb.
Daxili İşlər Nazirliyinin (DİN) Mətbuat Xidmətindən AYNA-ya verilən məlumata görə, faktla bağlı Rayon Polis İdarəsi tərəfindən araşdırma aparılır.