Səfir hazırda Dəməşqdədir və diplomatik missiyasının binasını işçilər üçün hazırlamaqdan məsuldur
Polşa səfirliyinin 14 illik fasilədən sonra yanvar ayında Dəməşqdə açılması planlaşdırılır.
AYNA.AZ xarici mediaya istinadən xəbər verir ki, Polşa diplomatik heyəti 2012-ci ildə başlayan müharibə səbəbindən ölkədən geri çağırılıb.
Polşa səfiri hazırda Dəməşqdədir və Polşa diplomatik missiyasının binasını işçilər üçün hazırlamaqdan məsuldur.
Bu, ilk növbədə, on ildən çox əvvəl tərk edilmiş binanın təmiri ilə bağlıdır. Bina hərbi əməliyyatlar nəticəsində zədələnməsə də, təmirə ehtiyac var.
Məlumata görə, təmir işini yerinə yetirəcək podratçıların seçim prosesi artıq başlayıb.
Polşa diplomatlarının Suriyaya qayıtması bir neçə amildən qaynaqlanır. Birincisi, Qərbin ölkədəki Rusiyanın təsirini zəiflətmək istəyi fonunda Brüsselin Dəməşqlə əməkdaşlığı dərinləşdirmək qərarıdır. İkincisi, Polşa şirkətləri Suriya bazarına əhəmiyyətli maraq göstərir və ölkənin müharibədən sonrakı yenidənqurmasında iştirak etmək istəyirlər.