İranlı nazir Trampı, həmçinin “kostyumlu terrorçu” adlandırıb
İranın İnformasiya və Rabitə Texnologiyaları naziri Cavad Azəri Cəhromi ABŞ Prezidenti Donald Trampı Hitler, Çingiz xan və İŞİD ilə müqayisə edib.
AYNA xəbər verir ki, Cavad Azəri bu barədə “Twitter” hesabında paylaşım edib.
İranlı nazir Trampı, həmçinin “kostyumlu terrorçu” adlandırıb: “İŞİD kimi, Hitler kimi, Çingiz kimi! Hamısı mədəniyyətlərə nifrət edir. Tramp "kostyumlu terrorçudur". O, tezliklə heç kimin "Böyük İran Milləti və Mədəniyyətini" məğlub edə bilməyəcəyini başa düşəcək”.
Like ISIS, like Hitler, Like Genghis!
— MJ Azari Jahromi (@azarijahromi) January 5, 2020
They all hate cultures. Trump is a "terrorist in a suit". He will learn history very soon that NOBODY can defeat "the Great Iranian Nation & Culture".#HardRevenge#QasemSoleimani https://t.co/N2iQ5AMX7M
Qeyd edək ki, bundan əvvəl Tramp, Amerika əmlakına və ya ölkə vətəndaşlarına hücum edəcəyi təqdirdə İrana hücum etməyə hazır olduğunu açıqlayıb. 52 hədəfə "sürətli və güclü bir zərbə" endirəcəyinə söz verən Tramp İran hakimiyyətini yenidən hücum etməməyə çağırıb.