Türkiyə hakimiyyəti İraqın mərkəzi administrasiyası və İraq Kürdüstanı administrasiyası ilə razılığa gəlib
Türkiyə İraqın şimalında PKK terrorçu yaraqlılara qarşı iri quru hərbi əməliyyat keçirməyi planlaşdırır. AYNA xəbər verir ki, bu barədə Türkiyənin “Hürriyet” qəzeti məlumat yayıb.
Hökumət dairələrinə yaxın qəzetin köşə yazarı Əbdülkadir Selvi deyib ki, İraqda genişmiqyaslı quru əməliyyatı həyata keçirilməsi şərtdir.
Onun sözlərinə görə, Türkiyə hakimiyyəti artıq İraqın mərkəzi administrasiyası və İraq Kürdüstanının paytaxtı Ərbil administrasiyası ilə razılığa gəlib.