Daha 38 ailəyə açarlar təqdim edilib
Növbəti köç karvanı Cəbrayıl rayonunun Horovlu kəndinə çatıb. AYNA.AZ xəbər verir ki, Horovlu kəndinə bu gün 38 ailə - 139 nəfər köçürülüb.
Sakinlərə evlərin açarları təqdim edilib.
Açarların təqdim olunması mərasimində Cəbrayıl, Qubadlı və Zəngilan rayonlarında Azərbaycan Respublikası Prezidentinin xüsusi nümayəndəliyinin, Qaçqınların və Məcburi Köçkünlərin İşləri üzrə Dövlət Komitəsinin əməkdaşları və digər rəsmi şəxslər iştirak ediblər. Ailələr açarları qəbul edərək öz evlərində məskunlaşıblar.