Müvəqqəti hökumət başçısı hücuma məruz qalıb
Sudan Ərəb Respublikasının Baş Naziri Abdullah Həmduk paytaxt Xartum şəhərində sui-qəsdə məruz qalıb. AYNA xəbər verir ki, bu barədə ölkənin yerli televiziya kanalları məlumat yayıb.
Ömər əl-Bəşirin devrilməsindən sonra müvəqqəti hökumət başçısı təyin olunan Həmduk hücumdan sonra təhlükəsiz yerə aparılıb. Şahidlərin açıqlamlarına görə, hadisə Xartum şəhərinin mərkəzində yerləşən Kober körpüsünün girişində meydana gəlib.
Lakin hadisə ilə bağlı hələlik hər hansı rəsmi məlumat verilməyib.