Əlcəzairdə ölümlə nəticələnən ağır yol qəzası baş verib
Əlcəzairin şimalındakı Celfa əyalətində yük maşını ilə avtobusun toqquşması sonucunda 6 nəfər ölüb, 9 nəfər yaralanıb.
AYNA xəbər verir ki, bu barədə Əlcəzairin Mülki Müdafiə İdarəsi məlumat yayıb.
Məlumata görə, qəza Ayn-Usera şəhəri yaxınlığında baş verib. Hadisə yerinə xilasedicilər və təcili yardım maşınları cəlb olunub.
Yaralılar yaxınlıqdakı xəstəxanalara çatdırılıb.
Qəzanın səbəbləri barədə məlumat verilməyib.