İmtahan protokollarının və cavab kartlarının emalına başlanılır
Dövlət İmtahan Mərkəzi (DİM) tərəfindən bu gün keçirilmiş imtahanların nəticələri yaxın 3 gün ərzində elan olunacaq. Bu barədə AYNA-ya DİM-dən məlumat verilib.
Bildirilib ki, avqustun 28-dən etibarən DİM-də imtahan protokollarının və cavab kartlarının emalı aparılacaq.
Xatırladaq ki, avqustun 27-də Azərbaycan dili (dövlət dili kimi) fənni üzrə ikinci imtahan, Dövlət Sərhəd Xidməti Xüsusi Məktəbinin V sinfinə qəbul imtahanı, Azərbaycan Tibb Universitetinin Hərbi Tibb Məktəbinin feldşer ixtisasına qəbul imtahanı və “SABAH” qruplarına tələbə seçimi müsabiqəsinin ikinci mərhələsi üzrə test imtahanı keçirilib.