6 min fələstinlinin ABŞ-dan deportasiyası 18 ay gecikdirilib
Qəzza zolağındakı böhran səbəbindən məcburi deportasiyasını təxirə salan ABŞ Prezidenti Co Baydenin təşəbbüsü ilə altı minə yaxın fələstinliyə qanuni işləmək və ABŞ-da daha 18 ay qalmaq imkanı verilib. AYNA xəbər verir ki, bu barədə “The New York Times” məlumat yayıb.
Baydenin sözlərinə görə, oktyabrın 7-si 2023-cü ildə HƏMAS-ın İsrailə hücumlarından sonra Qəzza zolağında bir çox mülki şəxs təhlükə altında qalıb: “Buna görə də mən bəzi fələstinlilərin ABŞ-dan qovulmasının təxirə salınmasını əmr etdim”.
Qeyd olunur ki, deportasiyanın təxirə salınması Amerika qanunlarını pozduğu və ya Birləşmiş Ştatların ictimai və milli təhlükəsizliyi üçün təhdid halına gələn şəxslərə şamil olunmayacaq.