“Paşinyana elə onun istinad etdiyi şeir dili ilə izah etmək istərdik”
Ermənistanın Baş naziri Nikol Paşinyan ölkə parlamentində çıxışı zamanı növbəti sərsəmləmələri ilə diqqət çəkməyə çalışıb. AYNA xəbər verir ki, bu barədə Azərbaycan Xarici İşlər Nazirliyi (XİN) məlumat yayıb.
Bildirilib ki, N.Paşinyanın söylədiyi heç bir fikir şərh olunmağa belə layiq deyil.
XİN Paşinyana Hüseyn Cavidin şeirini xatırladıb: “Ağır məğlubiyyətdən nəticə çıxarmayan Baş nazir Paşinyana elə onun istinad etdiyi şeir dili ilə izah etmək istərdik. Hüseyn Cavidin dediyi kimi:
“Yurdumuzu çiynəyən
Sayğısız hər kim olsa.
İnan ki, çox sürmədən,
Diz çökəcək qarşıda”.