Ukraynaya hərbi yardımların göndərilməsi davam etdirilir
Martın 7 və 8-də Stokholmda Aİ-nin 27 ölkəsinin müdafiə nazirlərinin qeyri-rəsmi görüşü keçirilib. Görüşdə bütün növ silahların istehsalının artırılması və Ukraynaya daha çox mərmi göndərilməsi imkanları müzakirə olunub.
AYNA-nın xəbərinə görə, bu barədə Aİ Şurasına sədrlik edən İsveçin rəsmi saytında məlumat verilib.
İclasda NATO-nun baş katibi Yens Stoltenberq və Ukrayna mətbuatının yazdığına görə, Ukraynanın müdafiə naziri Aleksiy Reznikov iştirak edib.