Dövlət Departamenti Ukraynanın özü olmadan Ukraynanın gələcəyini müzakirə etməyəcək
ABŞ Dövlət Departamenti Rusiya ilə Ukrayna barədə sülh danışıqlarını rədd edib. AYNA bu barədə “RBC”ya istinadən bildirir.
Departamentdən qeyd edilib ki, Ukraynanın özü olmadan Ukraynanın gələcəyini müzakirə etməyəcəklər.
“Rusiya düşünə bilər ki, bu müharibəyə son qoymağın yolu Vaşinqtondan keçir. Bu, əlbəttə ki, doğru deyil”, - Departamentin bəyanatında deyilir.
ABŞ xarici siyasət idarəsi əlavə edib ki, Moskva açıq şəkildə atəşkəsdə maraqlı olduğuna dair siqnallar göndərib, lakin Rusiyanın istənilən danışıqlara hazır olduğuna dair heç bir işarə yoxdur.