"Xizək sürən iki yeniyetmə də daxil olmaqla, ən azı 26 nəfər ölüb"
ABŞ-da qar fırtınası səbəbindən ən azı 26 nəfər ölüb. AYNA.AZ xəbər verir ki, bu barədə "New York Post" qəzeti məlumat yayıb.
Bildirilib ki, son günlərdə ABŞ-da qar yığınlarını təmizləyən yaşlı insanlar və yağan qarda xizək sürərək maşına ilişən yeniyetmələr də daxil olmaqla, ən azı 26 nəfər ölüb.
"Xizək sürən iki yeniyetmə də daxil olmaqla, ən azı 26 nəfər ölüb", - deyə qeyd olunub.
Nəşr yazıb ki, 16 yaşlı qız dostu ilə xizək sürərkən maşına ilişərək ağaca çırpılıb. Oxşar hadisə Arkanzasda da baş verib. Burada 17 yaşlı oğlan xizək sürərkən ağaca çırpılıb və maşına ilişib.
Nyu-York şəhərində bir neçə nəfər ölüb. Nəşrin məlumatına görə, kilsənin yaxınlığında qar təmizləyən 60 yaşlı kişi ölüb. Pensilvaniyada isə 60-84 yaşlarında üç nəfər qar təmizləyərkən ölüb.
"New York Post" qəzetinin məlumatına görə, Men ştatındakı hava limanında iş təyyarəsinin qəzaya uğraması nəticəsində yeddi nəfər ölüb.
Bundan əvvəl ABŞ-da bir milyondan çox ev şiddətli hava şəraiti səbəbindən elektriksiz qalmışdı.